Archive for the ‘Talk on Telugu Literature’ Category

వారణాసి నాగలక్ష్మి కధలపై టివి 9 లో చర్చ

August 15, 2011

దీప్తిధార పాఠకులకు గతంలో శ్రీమతి నాగలక్ష్మి కధలను కొన్ని పరిచయం చేశాను. ఇంకా “రచయిత్రి వారణాసి నాగలక్ష్మి” అని పుస్తకం.నెట్ లో విపులంగా ఒక పరిచయ వ్యాసం వ్రాసి, ప్రచురించటం జరిగింది. ఇది కలకాదు అనే కధా పరిచయాన్ని ఇక్కడ చదవవొచ్చు. “వారణాసి నాగలక్ష్మి కథలు” అని ఆసరా, అమృతాన్ని సాధించు, మేఘన, కథ కోసం కారా మాస్టారు కధల పరిచయం చేశానిక్కడ.

ప్రతి ఆదివారం టివి 9 వారు నిర్వహించే బుక్ పాయింట్ కార్యక్రమం లో ఆగస్ట్ 14 న రచయిత్రి వారణాసి నాగలక్ష్మి కధలపై చర్చ జరిగింది. శ్రీమతి ఇంద్రగంటి జానకీబాల, స్వాతి శ్రీపాద ఇంకా ఆలంబన, ఆసరా కధా సంపుటాల రచయిత్రి నాగలక్ష్మి ఈ చర్చలో పాల్గొన్నారు. ఈ చర్చ చలన చిత్రాన్ని దిగువ చూడగలరు.

తెలుగు సాహిత్యంలో సంస్కరణల సంస్కారం

July 25, 2011

Innaiah amidst lovers of Telugu literature in Chicago

Innaiah speaking at the Telugu literature meeting

Photos courtesy: P. Thimmapuram, Chicago

చికాగో: తెలుగు సాహిత్యం ద్వారా సంఘ జీవనంలోకి ప్రవేశించి కలుషితం చేసిన కుల, అంటరానితనం, మహిళల పట్ల అసమానతను తిప్పి కొట్టడానికి జరిగిన ప్రయత్నాన్ని స్థాలీ పులాక న్యాయంగా వివరించారు డాక్టర్ ఎన్.ఇన్నయ్య. జులై 17న జరిగిన చికాగో తెలుగు సాహితీ మిత్రుల సమావేశంలో ఆయన సాహిత్యంలో సంస్కరణ ధోరణులపై మాట్లాడారు. బెంగాల్, మహారాష్ట్ర, పంజాబ్, తమిళనాడు ద్వారా ప్రభావితం చేసిన సాహిత్యాన్ని సమీక్షించారు. వీరేశలింగం, గురజాడ తెచ్చిన సంస్కరణ ధోరణులు, కట్టమంచి నిరసించిన ప్రబంధ సాహిత్య మహిళల అంగాంగ వర్ణన గమనించాలన్నారు.త్రిపురనేని రామస్వామి చేపట్టిన సాంఘిక విప్లవాన్ని, వివాహ సంస్కరణను అభినందించారు. గూడవల్లి రామబ్రహ్మం శ్రీకారం చుట్టిన సంస్కరణ సినిమాలు గుర్తు చేసి తరువాత గోపిచంద్ రాసిన రాజకీయ కథలు, నాటకాల వలన బుర్రకథలు, స్టేజ్ డ్రామాలను మారిన తీరుని విశ్లేషించారు. అలాగే సెక్స్‌ని సైతం సైంటిఫిక్ అంశంగా మార్చిన ఆలపాటి రవీంద్రనాథ్, ఆవుల గోపాల కృష్ణమూర్తి వ్యాసోపన్యాసకుడుగా సంచలనం కలిగించిన సన్నివేశాలను చెప్పారు. అనంతరం ఇన్నయ్యకు దేవులపల్లి కృష్ణయ్య చేతుల మీదుగా ‘చికాగో సాహితీ మిత్రులు’ జ్ఞాపికను ప్రదానం చేశారు. పశ్నోత్తర కార్యక్రమంలో తుమ్మూరు రమేష్, సామా రామిరెడ్డి, రాణి చింతం పలు ఆసక్తికరమైన ప్రశ్నలు సంధించారు.

Text: సోమవారం : 25/07/2011 సాక్షి దిన పత్రిక సౌజన్యం తో