Archive for the ‘Blog Comments’ Category

బ్లాగులు- వ్యాఖ్యలు -5

July 26, 2010
Statue of Confucius (551 -479 B.C) in Overfelt Gardens, San Jose Photo: cbrao

Statue of Confucius (551 -479 B.C) in Overfelt Gardens, San Jose Photo: cbrao

సుందరం మనమందరం

“ఆ ఇంట్లో సుందరం తప్ప నాకెవరు తెలవదు.ఒకవేళ వెళ్ళివున్నా,నేను తెలిసిన ఆ ‘ఒక్కరికి’ నేను వచ్చిన విషయం తెలియదు. ఇది మరో విషాదం. ”
-అవును, విగత జీవులైన మిత్రుల సజీవ బంధులను పలకరించాలంటే నాకూ ఇదే సమస్య. గతించిన వారి శ్రీమతి నన్నెరగని సందర్భంలో వారిని ఎలా పలుకరించాలి, ఓదార్చాలి అనేది ఒక విలక్షణ విషయం. ఆత్మీయ మిత్రులైన దండమూడి మహీధర్, సంజీవ దేవ్, చలసాని ప్రసాద రావు గారలు గతించిన సందర్భంలో నాకు కలిగిన అనుభూతి విచిత్రమనిపించవచ్చు. వారు నన్ను మోసం చేసి దూరంగా, తిరిగి రాని లోకాలకు వెళ్లారన్న భావన లో ఉండేవాడిని చాలా రోజులు. సంజీవదేవ్ పేరిట వారి జ్ఞాపకార్ధం ఒక వెబ్ సైట్ నిర్మించాను, స్నేహితుల సహకారంతో. చలసాని ప్రసాదరావు గురించి ఒక వెబ్సైట్ నిర్మించాలన్న ప్రతిపాదనకు వారి కుటుంబ సభ్యుల మద్ధతు లేదు. మహీధర్ గారి పేరిట ఒక ప్రత్యేక సంచిక వెలువరిస్తామన్నాము కాని కుటుంబ సభ్యుల సహకారం లేక విరమించుకోవల్సి వచ్చింది. ఇది మరో విషాదం.

http://bhandarusrinivasarao.blogspot.com/2010/06/blog-post_17.html

కవితాభూషణం – మూడోభాగం

“ఆ రోజుల్లో సంజీవ దేవ్, ఇస్మాయిల్ గార్ల లేఖలు వేరే లోకం నుండి వచ్చి పడుతుండేవి.”
-అవి లేఖలు కావు సౌగంధాలు విరజల్లే పారిజాత పుష్పాలు.

“శ్రీశ్రీ ఈ శతాబ్దం నాది’ అనడం పదిరెట్లు అతిశయోక్తి. ఈ దశాబ్దం నాది అంటే సరిపోయేది. ”
-ఈ శతాబ్దం శ్రీశ్రీది మాత్రమే కాకపోయినా ఈ శతాబ్దంలో తన చెరగని ముద్రవేశాడు.

“అఫ్సర్ కవిత్వంలో అయోమయానికి అంతులేదు. గోపీ సినారేలు కుకవినిందకు కూడా కొరగారు. ”
“వచన కవిత్వం పేరిట కవులది ఆడింది ఆటగా పాడింది పాటగా ఉంది. నానీలని ఒకడు, రెక్కలని మరొకడు పూటకొక పేరుతో కవులమని చెప్పుకొనే పగటి వేషగాళ్ళు తయారవుతున్నారు. ”

ఈ ముఖాముఖి లో వెన్నెల కాంతులు, చెకుముకి రాళ్ల మధ్య నిప్పురవ్వలు రెండూ కనబడటం ఒక వైవిధ్యం. సినారె, గోపీ ల పై విమర్శ సహేతుకంగా లేదు.

http://pustakam.net/?p=4931

Random Shots on a Casual Sunday Evening

The loaner appears to be a Red-winged Blackbird. Though the picture is o.k, it’s composition could be made better. Divide the photo frame into 4 vertical divisions. Placing the bird either in 1st or 4th division can make this a better picture.

http://peshla.blogspot.com/2009/06/random-shots-on-casual-sunday-evening.html

Hanover Star Trails

With noise reduction available for long exposure, is it not possible to photograph star trail with a single shot of long exposure (bulb) instead of several shots getting stitched with a software? Coming to your pix, what was the time interval while taking 99 images and the total time taken for shooting this pix? What advantage is available in this method compared to a single shot?

http://www.kaddisudhi.com/2010/02/hanover-star-trails.html

Rain God’s

Yes. The weather is erratic this year. Generally April & May ought to be warmer but instead it was cold and we had to use heaters which was unusual. On 12th June we had snowfall in Aspen and elsewhere in Colorado. This indicates that there is a change in the pattern of global climate. I knew that Gujarat is warmer. On your part plant a tree in your compound to reduce global warming. Urban forestation is the only key to invite rain in normal way. Rain is essential for our survival. See the importance of rain in the movie Guide (Hindi & English). Lime (Bearss seedless lime) tree is the latest addition at our house.

http://sunshinearoundme.wordpress.com/2010/06/27/rain-gods/

Reading !

“My favorite place to go is a discount book store where I drop off all my old books.”
– Shops for second hand books are usually found on pavements in Hyderabad. Surprisingly, in Mountain View there is a big used books store next to Books Inc., in the Castro Street of down town. Where is your used book stores? Is it a big stores?

http://sunshinearoundme.wordpress.com/2010/06/28/reading/

మీ బ్లాగులో కేవలం పోస్టు టైటిల్స్ మాత్రమే కనపడాలంటే – ట్యుటోరియల్

ఇది సులభంగా అందరికీ అర్ధమయేలా వ్రాసిన టపా. బ్లాగు ఈ విధంగా కనపడాలనుకునేవారికి చాల ఉపయోగం. అందించిన మీకు నెనర్లు.

http://superblogtutorials.blogspot.com/2010/07/blog-post.html

Advertisements

తట్టి లేపే వ్యాఖ్యలు -2

September 4, 2008

kolleru_spectacle_of _birds

పక్షుల ప్రపంచం కొల్లేరులో                                                  చిత్రం: cbrao

ఈ వ్యాఖ్యలు కత్తి లాంటివి. వీటికి రెండు వైపులా పదునుంటుంది. ఒక వైపు బ్లాగరుకు ఉత్తేజాన్నిస్తే, మరో వైపు పదునుగా ఉండి బ్లాగరు హృదయాన్ని గాయపరుస్తాయి. కొందరు సున్నిత మనస్క బ్లాగరులు ఈ వ్యాఖ్యల దెబ్బకు, కొన్ని నెలల పాటు బ్లాగు వైపు తొంగి చూడలేదు. కొందరు బ్లాగులను “ఆహ్వానితులకు మాత్రమే ప్రవేశము” అని, కొందరు తమ బ్లాగులకు Comment moderation పెట్టుకుంటే, మరి కొందరు Comment disable చేసారు. ఓనమాలుల లలిత ఈ వ్యాఖ్యల బాధ పడలేక, తన బ్లాగు శాశ్వతంగా తొలగించారు. లలిత గురించిన నా పరిచయ వ్యాసం పారదర్శి లో రాసాను. ఇది కామెంట్స్ కు ఉన్న శక్తి. వ్యాఖ్యలకు moderation ఈ పరుష, అసభ్య వ్యాఖ్యల నుంచి కొంత రక్షణ ఇవ్వగలదు.

కొన్ని సార్లు, చిన్న వ్యాఖ్యలే, యుద్ధాన్ని సృష్టించే ఇతరుల టపాలకు దారితీయవచ్చు. ఉదాహరణగా తెలుగు’వాడి’ని టపా రోజుకి ఎన్ని టపాలు, టపా ఎలా/ఎంత ఉండాలో కూడా మీరే చెప్పేస్తారా అండీ – ?! చూడండి. హాస్యవల్లరి అనే బ్లాగులోని టపాకు cbrao రాసిన వ్యాఖ్య తెలుగు’వాడి’ని టపా కు trigger గా పనిచేసింది. తెలుగు’వాడి’ని టపా యుద్ధ వాతావరణాన్నే సృష్టించింది. తెలుగు’వాడి’ని టపా లో చిన్నమయ్య, కొత్తపాళీ, సిబి రావు, సత్యప్రసాద్ అరిపిరాల గార్ల పై చేసిన వ్యాఖ్యలకు, మనసు చెందిన కలత, 11 రోజుల పాటు నన్ను కొత్త టపాను రాయనివ్వలేదు. ఇందులో ఒక తమాష ఏమంటే, రోజుకి ఎన్ని టపాలు, టపా ఎలా/ఎంత ఉండాలో కూడా మీరే చెప్పేస్తారా అండీ? అంటూ ప్రశ్నించిన తెలుగు ‘ వాడి ‘ని , తన టపాకు వ్యాఖ్యలు రాసే విషయంపై అంక్షలు విధించటం. తెలుగు’వాడి’ని ఒక నియంతలా వ్యవహరించి, తోటి బ్లాగరులను, పక్క బ్లాగరులను సమర్ధిస్తూ వ్యాఖ్యలు ఎవరైనా రాస్తే తుప్పు వదలగొడతా నంటూ భయపెట్టడం జరిగింది. ఆవేశం లో తెలుగు’వాడి’ని తెలియక చేసిన పొరబాటిది. బ్లాగరులకు ప్రకటించుకునే స్వేచ్ఛ ఉండాలని బల్లగుద్ది వాదించే బ్లాగరు, తోటి బ్లాగరుల భావ ప్రకటనా స్వేచ్ఛకు అడ్డురావటం పొరబాటే కదా. సమయానికి, కూడలి లోని technical loop hole సరిదిద్దటం తో ఈ వివాదం సద్దుమణిగింది.

వివాదాలకు ఆస్కారం లేని టపాలు రాసినా, కొన్ని సార్లు వాటిలోని కొన్ని అంశాలను ప్రాతిపదికగా తీసుకుని ఇతరులు తమ ప్రత్యేక టపాలు రాస్తారు. ఉదాహరణగా నా ప్రపంచం కు 10,000 పాఠకులు టపా చెప్పవచ్చు. ఇందులోని 10000 వ పాఠకుడు అదృష్ట పాఠకుడెలా అవుతాడని శ్రీకాంత్ తన నా ప్రపంచం —10,000 హిట్స్ టపా లో రాసారు. ఒక చిన్న point ను base చేసుకుని రాసిన ఈ టపాకు ఇప్పటికి 11 వ్యాఖ్యలొచ్చాయి. శ్రీకాంత్ టపాలలో ఎక్కువ ప్రాచుర్యం పొందినదీ టపా అని చెప్పవచ్చు. ఈ ఒక్క టపా తో శ్రీకాంత్ బ్లాగు పలువురి దృష్టిలోకొచ్చింది. చిరంజీవికి ఖైదీ లాంటి దన్నమాట.

విమర్శలకే కాదు, నిందా పూరిత ప్రశంస కూడా, ఒక కొత్త టపా జన్మ కు కారణభూతమవుతుంది. కూడలి లో క్రియాశీలక బ్లాగరు పర్ణశాల మహేష్ కు ఒక ప్రశ్న సంధించా, “అలవక రోజూ ఇలా, ఎలా కత్తుల్లా విసురుతున్నాడో” అని. ఈ ప్రశ్నకు నేపధ్యమేమంటే, మహేశుడు ఉత్సాహం గా ప్రతి రోజూ టపా వెలువరించటం. జవాబుగా వచ్చిన టపా రచయిత అంతర్మధనమే “నేను రోజూ ఎందుకు బ్లాగు రాస్తాను !” ఈ జవాబులో, తన జీవితము, ఆలొచన విధానము గురించి ఇచ్చిన వివరణ, పాఠకులను అలరించింది. 19 పాఠకుల ఉత్తరాలే దానికి తార్కాణం.

కుసంస్కార విమర్శలు బ్లాగరును బాధిస్తాయని, అనుభవంలో తెలుసుకొన్నాము. సద్విమర్శలు పాఠకులకు ఎలా లాభాన్నిస్తాయో కూడా చెప్పి, ఈ వ్యాసం కు స్వస్తి చెపుతా. ఈ నాడు లో తెలుగు వికిపిడియా గురించిన వ్యాసానికి పెక్కుమంది తెలుగు అభిమానులు స్పందించి, తెలుగు వికి లో సభ్యులుగా చేరారు. కాని వారినుంచి ఎలాంటి క్రియాశీలక రచనలు వికి కి అందలేదు. కారణాలు వివరిస్తూ, నా వ్యాఖ్య ఒక టపాలా రాశాను. తెలుగు వికితో తిప్పలు అని రాసిన నా వ్యాసానికి జవాబుగా, చావా కిరణ్, చదువరి తెలుగు వికి లో వ్యాసం రాయటం ఎట్లా అనే విషయం పై tutorials రాసారు. అవి కొత్త సబ్యులకు వికి గురించిన అవగాహనకు తోడ్పడ్డాయి. ఆ తరువాత, వైజా సత్య, చావా కిరణ్,చదువరి,కాసు బాబు వగైరా కార్యకర్తల కృషితో, తెలుగు వికిపిడియా భారతదేశం లోనే వ్యాసాల విషయంలో, ఇతర భాషలతో పోటీపడి, అగ్రగామి అయ్యింది.

(అయిపోయింది -End)

తట్టి లేపే వ్యాఖ్యలు -1

September 3, 2008

OLYMPUS DIGITAL CAMERA

 

 

మీరు రోజూ ఎన్నో బ్లాగులు చదువుతుంటారు. కొన్ని మీకు ఎంతో నచ్చుతాయి కూడా. కాని టపా చదవగానే ఆ పేజీ మూసేసి, ఇంకో టపాలోకి వెళ్లిపోతున్నారా? ఇందులో తప్పేమి లేదు కాని, శ్రమకోర్చి, ఎంతో విషయ సేకరణ చేసిన బ్లాగరు కృషిని అభినందిస్తే, మీ సొమ్మేమి పోదు కదా. మీ కామెంట్ ద్వారా తన కృషి ఫలించిందనో, లేక ఫలాన విషయం లో తన రచనా పటిమను పెంచుకోవాలనో రచయిత కు తెలుస్తుంది. కొన్ని సార్లు బ్లాగు లో తెలియని విషయాలు, కామెంట్స్ ద్వారా మనకు తెలుస్తాయి. అంతే కాదు ఈ వ్యాఖ్యల వలన మీరు నలుగురికీ తెలుస్తారు. మీ వ్యాఖ్య విమర్శ, పొగడ్త లేక సలహా కావచ్చు. వ్యాఖ్య ఇవ్వటం అలవాటు చేసుకోండి. దీనివలన మీ popularity కూడా పెరుగుతుంది. మీ వ్యాఖ్య వ్యాసం బాగుందనో, చప్పగుందనో కాక వ్యాసం ఎందుకు నచ్చిందో, నచ్చలేదో క్లుప్తంగా రాస్తే, అది మీ తెలివితేటలకు పదునుపెట్టడమే కాక, అది బ్లాగు రచయిత కు తన వ్యాసం నాణ్యత గురించిన self appraisal కు ఎంతగానో దోహదపడుతుంది.

“మంచి వ్యాఖ్యలు బ్లాగుకు మెరుగులు దిద్దుతాయి, ఓ శోభనిస్య్తాయి. పుస్తకానికి ఓ చక్కటి సమీక్ష ఎలాంటి విలువనిస్తుందో, అటువంటి విలువనే వ్యాఖ్యలు బ్లాగుకు
ఇస్తాయి. మంచి వ్యాఖ్యల కారణంగా బ్లాగుకు విలువ పెరగడమే కాకుండా, వ్యాఖ్యాతకూ ఉపయోగం ఉంది. మంచి వ్యాఖ్యను చూడగానే పాఠకుడికి సదరు వ్యాఖ్యాత గారి బ్లాగు
చూద్దామనిపించవచ్చు, అలాగ మీ బ్లాగులో పాఠకుల సందడి పెరుగుతుంది. అలాగే నెట్లో  మీ బ్లాగుకు లింకులు పెరుగుతాయి. దాంతో మీ పేజీ ర్యాంకు కూడా పెరుగుతుంది.
రావుగారు, చావా కిరణ్ (http://www.oremuna.com/blog – ఈ బ్లాగు తొలగించబడినది) చెప్పినట్లు, వ్యాఖ్యలు రాసే అలవాటు చేసుకోవాలి మనందరం!” – చదువరి

మన తెలుగు బ్లాగులు విస్త్రుతమవుతున్నట్లే, అదే నిష్పత్తిలో వాటికి కామెంట్స్ వస్తున్నాయి. ఈ వ్యాఖ్యలు కొత్త బ్లాగర్లకు ప్రొత్సాహకారకాలయితే, పాత బ్లాగర్లు వీటినుంచి ఉత్తేజం పొందుతున్నారు. కొత్త బ్లాగరు, టపా ప్రచురించాక, కూడలి లో ఎప్పుడొస్తుందా అని ఎదురు చూసి ఆ పై తన టపాపై వచ్చే వ్యాఖ్యల కోసం (ఆఖరికి తిట్లైనా సరే, ఆ విధంగా నైనా తనను ప్రపంచం గుర్తించాలి) చంద్రునికై చకోరపక్షిలా ఎదురు చూడటం కద్దు. ఇది సహజం.ఆషాఢ మాసంలో పుట్టింటికి వెళ్లిన భార్యామణి కోసం, చూసే ఎదురు చూపులు కన్నా, ఈ వ్యాఖ్యల కోసం, హిట్ల కోసం నిరీక్షణ ఉత్కంఠ భరితంగా ఉంటుంది కొత్త బ్లాగర్లకు. పాత బ్లాగర్లు కొంతమంది Hit Counter చూడటం తగ్గించామనో, అసలు చూడటం లేదనో చెపుతున్నారు. మిత్రులు చరసాల ప్రసాద్ Counter పట్టించుకోని వారిలో ఒకరు. తను చెప్పదలుచుకున్నది తన టపాలో చెప్పేస్తారంతే. ఈ Counter పై తొలినాళ్లలో ఉన్న శ్రద్ధ తరువాత తగ్గుతుంది. పెళ్లికి ముందు, పెళ్లయిన కొత్తలో భార్యామణికి సుదీర్ఘ ఉత్తరాలు రాసే వారు, కాలం గడిచే కొద్దీ వారి ఉత్తరాల పెజీల సంఖ్య తగ్గటము, చివరికి ఉత్తరాలు SMS గా రూపాంతరం చెందుతాయనే విషయం మీలో కొంతమందికైనా తెలిసిన విషయమే.

మన బ్లాగరులలో, కొత్త బ్లాగరులకు ప్రొత్సాహం ఇచ్చే వారిలో కొత్తపాళి, రాధిక, cbrao, కత్తి మహేష్ కుమార్, బొల్లోజు బాబా (తనే కొత్త బ్లాగరు ) వగైరా ఉన్నారు. వైజా సత్యా వ్యాఖ్యలు స్వల్పంగానే ఉంటాయి కాని అర్థవంతంగా, ఎదో కొత్త సమాచారం తో ఉంటాయి. ఇదే కోవకు చెందినవారు పరుచూరి శ్రీనివాస్. నేను గాని ఈలవేశానంటే టైపు. సాహిత్యం, తెలుగు బ్లాగు గుంపులలో ఎవరైనా వేసిన ప్రశ్నకు సమాధానంగా, విపులమైన జవాబే ఇస్తారు. అది సారంగధర కావచ్చు లేక K.V.రెడ్డి పై కావచ్చు, సంగీతం పై కావచ్చు, తనకున్న పరిధిలో, చక్కటి విజ్ఞానభరితమైన జవాబులిస్తారు. ఇహ జగమెరిగిన బ్లాగరి జ్యొతక్క గురించి రాయనవసంలేదు. ఎదైనా సహాయం కావాలంటే, కొత్త బ్లాగర్లు జ్యోతి సలహాకై రాస్తారు. ఎన్నో బ్లాగులకు కొత్త దుస్తులు బహుకరించారీమె. ఇహ సుజాత, పూర్ణిమ ఆడా, మగా, వయస్సు తారతమ్యాలు లేకుండా, అన్ని బ్లాగులూ చదివి తమ ప్రోత్సాహాన్ని అందచేస్తుంటారు. బ్లాగరులు టపాలు రాసి, కొత్తపాళీ గారి వ్యాఖ్య తమ టపా లో కనపడితే, తమ టపా క్లిక్ అయ్యిందని తలుస్తారు. ఇలాగే cbrao, సుజాత వ్యాఖ్యల కోసం ఎదురుచూసే వారు ఉన్నారు. చదువరి వ్యాఖ్యలు రాయటం తక్కువే. పేరుకు తగ్గట్లు వీరు చదవటం ఎక్కువ, వ్యాఖ్యలు రాయటం తక్కువ. ఎవరైనా బ్లాగరును, ఇతర బ్లాగర్లు పరుష పదాలతో హింస పెడ్తుంటే, వారిని వ్యక్తిగత విమర్శబారినుంచి కాపాడటానికి, వెంటనే రంగంలోకి దూకుతారు. చదువరి తన సమయాన్ని తెలుగు వికీపిడియా, పొద్దు నిర్వహణలో వినియోగించటం వలన, తన బ్లాగులో రాసే టపాల సంఖ్య తక్కువే. ఈ నెల బ్లాగంటూ తను నెల నెలా రాస్తున్న బ్లాగు సమీక్షల లో కొత్తవారికి ప్రొత్సాహాన్నిస్తారు. ఒక నెల లో ఈ మాసపు బ్లాగుగా కొత్త బ్లాగు పర్ణశాల గురించి రాసారు. ఆ తరువాత నేను పర్ణశాల లో అడుగెట్టి అక్కడ నా వ్యాఖ్యలివ్వటం మొదలుపెట్టాను.

To be continued ……..