ఊహలన్నీ ఊసులై: సమీక్ష

ఈ బ్లాగును ఈ రోజే (జూన్ 6) న యాదృచ్ఛికంగా చూడటం జరిగింది. తొలి చూపులోనే ఈ బ్లాగుకు చదివించే గుణం ఉందని తెలిసింది.బ్లాగువనంలో విహరించవచ్చిన ఈ రాచిలుక రంగేమిటో, రుచులేమిటో తెలుసుకుందామా?

మొదటగా ఈ బ్లాగు ఎందుకు అనే ప్రశ్నకు అందమైన సమాధానం ఈ బ్లాగు ఉప శీర్షిక (టాగ్‌లైన్) లోనే లభ్యం. ” కళ్ళాగని కాలపు అలలలో మనసు ఊహలు కొట్టుకుపోకుండా, ఈ బ్లాగులో ఊసులుగా పదిలపరచే ప్రయత్నం. కనుల తోటలో విరబూసే కలలను కలంతో ఏరుకోవాలని చిన్ని ఆశ!! “. ఈ బ్లాగ్ పుట రూపురేఖలు (టెంప్లేట్) ఒక మోస్తరు గా వున్నాయి. ఇంత చక్కటి ఊహలలో తేలియాడే పూర్ణిమ బ్లాగు తెర అమరిక (టెంప్లేట్), అందంగా రూపొందించటానికి అవకాశముంది.

ఇంకా ముందుకెళ్లే ముందు, ఈ పుత్తడి బొమ్మ, పూర్ణిమ తమ్మిరెడ్డి (బ్లాగరి) గురించి నాలుగు మాటలు.

హైదరాబాదులో సాఫ్ట్‌వేర్ ఇంజనీర్ గా సద్యోగం.

పూర్ణిమకు ఇష్టమైన వాటి గురించి పూర్ణిమ మాటలలో:

ఇష్టమైన తెలుగు పుస్తకాలు: నాకు తెలుగు కాస్తో కూస్తో రావటానికి కారణం మొదట నా పాఠ్య పుస్తకాలు ఐతే.. తర్వాత ఈనాడు ఆదివారం, చందమామ. తర్వాత తెలుగు పుస్తకాలు బాగానే చదివాను. గోపిచంద్ గారంటే ప్రత్యేకమైన అభిమానం. వారు రాసిన “మాకు ఉన్నాయి స్వగతాలు”, ప్రాణం లేని వాటికి కూడా మనసుందని ఊహించుకునే అలవాటు నేర్పింది. స్వగతాలు రాయటమంటే నాకు చాల ఇష్టం. సరళమైన భాషలో మనసు స్పందించే ఏ రచనైనా ఇష్టపడతా.

godavari_at_papikomdalu

పాపికొండలలో వంపులు తిరుగుతూ, వయ్యారి గోదారమ్మ

నచ్చిన ప్రదేశాలు: గోదావరి నది, పరిసర ప్రాంతాలు.
వారాంతం: నేను చాలా నిద్రపోతుని. 🙂 నాకు నచ్చినంత సేపు నిద్రపోయాక.. చాలానే చేస్తాను. పుస్తకాలు చదువుతూ, ఆటలు చూస్తూ, వంట చెస్తూ, పాటలు వింటూ..ఆ క్షణంలో ఏమి చెయ్యాలి అనిపిస్తే అది.
సంగీతం: స్వరాలు, రాగాలు, గమకాలు ఏవీ నాకు తెలీదు, అర్ధం కావు. భావం ఒక్కటే ముఖ్యం నాకు. మనసును లాలించి, ఊరించి, మైమరపించే ఏ పాటైనా ఓ.కే.
తెలుగు బ్లాగుల పరిచయం: గూగుల్ లో ఏదో వెతుకుతుంటే.. కూడలి కనపడింది. కానీ చాల రోజుల వరకు బ్లాగులు రాసే సౌకర్యం కలగలేదు.
జీవితం లో వెంటాడే జ్ఞాపకం: ఉత్తరాలు రాయటమంటే చాల ఇష్టం నాకు. నా స్నేహితులతో ఎక్కువ వరకు.. ఉత్తరాలతోనే రాయభారం. కానీ ఇప్పుడది అసంభవం గా మారిపోయింది. 😦 “నువ్వు రాసిన ఉత్తరం ఇప్పటికీ చదువుతుంటాను తెలుసా” అని మా వాళ్ళు అంటుంటే..ఆ ఉత్తరం రాసినప్పటి జ్ఞాపకం భలే వెంటాడుతుంది.

తాను ఇతరులకు అంత సులభంగా అర్థం కాననీ, తనని అర్థం చేసుకునే వృధా ప్రయత్నం చేయవద్దంటున్నది.తన పుత్తలికైన, రాతలు చదివి ఆనందించమంటున్నది.

Impressions అనే ఆంగ్ల బ్లాగు కూడా ఉందీమెకు.

పూర్ణిమ రచనలలో వ్యంగం, సున్నితంగా కనబడుతుంది. అల్లరి చేసే స్కూల్ పిల్లలను , పార్లమెంట్ సభా వ్యవహారాలు సవ్యంగా జరగకుండా అడ్డుపడే పార్లమెంట్ సభ్యులను, పోల్చకనే పోల్చి వారిపై చక్కటి చురక వేయటం ఉంది. చూడండి No talking.. absolute silence please!!

Parakeet

చిలక జోస్యం నిజమవుతుందా!

ఎన్నో జామిపండ్లలో ఏది రుచికరమైనదో, ఎలా తెలుసుకోవచ్చో, తెలుసా? చిలక కొరికిన జాంపండు కంటే రుచికరమైనది మరేముంటుంది? మనకు జ్యోతిష్యం చెప్పే చిలకకు, తన భవిష్యత్ ఏమిటో తెలుసా? ఈ చిలక పలుకులపై పూర్ణిమ విశ్లేషణ మిమ్ములను ఆకట్టుకుంటుంది.

కాశీ లోని,గంగ నీరు పవిత్రమైతే, అవి తాగితే అనారోగ్యం ఎందుకు కలుగుతుంది?మితిమీరిన కాలుష్యం వలన గంగనీరు కూడా కలుషితమయ్యింది.గంగ మునగండి; కాని నీరు సేవించకండి అని అనుభవం చెప్తున్న పాఠం. జ్ఞాపకాలు గురించి చెప్తూ, పూర్ణిమ ఉవాచ “మనిషికి దేవుడిచ్చిన గొప్ప వరాలు: జ్ఞాపకం, ఇంకోటి మరుపు. ఒకటి జీవితాన్ని ఆస్వాదించటానికి, మరోకటి ఏమి ఎదురైనా జీవితం సాగించటానికి. వీటిలో ఏది సమపాళ్ళు మించినా, మనుగడ కష్టమే!!”.

భానుమతి ఆత్మకథ “నాలో నేను” ను పరిచయం చేస్తూ ఇచ్చిన ఉదాహరణ {“ఉద్యోగం చేయడానికి చదువుకోవటం ఒక రకం, విజ్ఞానం కోసం చదవటం ఇంకో రకం, ఒక లక్ష్యంకోసం చదవటం మరో రకం. ” అన్న భానుమతి గారి సుభాషితం శిరోధార్యం.} వెంటాడే సుభాషితం. పూర్ణిమ కు ఇలా సుభాషితాలు సేకరించటం కూడా ఇష్టం. భానుమతి నట జీవితంలో తొలి అంకంలో నటి బదులు పాత్ర కనబడితే, తుది అంకంలో పాత్ర బదులు నటి ఎక్కువగా కనబడ సాగే వారు. ఆమె పాడిన శాస్త్రీయ గీతాలు, కె సర కె సరా లాంటి పాశ్చాత్య గీతాలు రెండూ బహుళ ప్రాచుర్యం పొందాయి. పూర్ణిమ పదాలకోసం తడుముకోకుండా అలవోకగా చేసిన ఈ పుస్తక పరిచయం పాఠకుల మన్నలను పొందింది.

(ఇంకా ఉంది – రాబోయే చివరి భాగంలో – తెలుగు మహిళా బ్లాగులలో ఊహలన్నీ ఊసులై ఎలాంటి స్థానం సంపాదించుకున్నది? ఈ బ్లాగు, బ్లాగు తరగతిలో, ఏ మెట్టులో ఉన్నదీ (Grading) వగైరా విశేషాలు చూడండి.)

Advertisements

5 Responses to “ఊహలన్నీ ఊసులై: సమీక్ష”

  1. కొత్తపాళీ Says:

    well-deserving

  2. naag Says:

    poornima garini ravu gaaru addamlo chala chakkaga chupincharu. meeru parichayamaina roje mee gurinchi telusukunenduku ee soukaryaaniki joharlu.

  3. పొద్దు » Blog Archive » జూన్ నెల బ్లాగుల విహంగ వీక్షణం Says:

    […] ఊహలన్నీ ఊసులై బ్లాగు సమీక్షని ప్రారంభించి మరో టపాలో […]

  4. జూన్ నెల బ్లాగుల విహంగ వీక్షణం | Poddu Says:

    […] ఊహలన్నీ ఊసులై బ్లాగు సమీక్షని ప్రారంభించి మరో టపాలో […]

  5. sanju Says:

    its beautiful

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: